全然的值得
記得有一次 阿女問我：「爸B我值幾多分？」 我心裏一陣盤算，作為一個差老豆，當然會講：「阿女，你有九十幾分！」 阿女當然會問我少咗個幾分係邊，做老豆當然如數家珍指出佢既不足！ 點知... 阿女跟住問我：「爸B，你知唔知你值幾多分？」 俾阿女咁突然一問，當堂有啲虛怯，雖然都覺得自己係一個幾好既老豆，但始終都面皮無厚到答100分，所以最厚都係答：「90幾分？」 點知....阿女好開心笑住同我講：「爸B, 你值1000分啊！」 真係差啲俾個女破防....阿女呢1000分...令我諗咗成晚... 1 1000分令我心虛....令我本來覺得自己都值高分都立刻謙卑落黎....我幾好都唔值1000分....神的兒子為我們釘死都係有異曲同工之妙，無請你覺得自己幾好幾自大，如果真正明白神的兒子竟然要犠牲自己黎拯救我地, 我諗我地都會開始謙卑, 反思我地憑乜叫神兒子為我地死 2 我好肯定我個女講1000分時係真心, 佢既笑容係可以証實呢一切....回應番上面, 當我地覺得自己唔值神兒子黎犠牲時, 但佢確實用行動話俾我地知, 即使我地條命咁爛咁殘破, 佢仍然覺得值得用佢一命換回我地命, 幫助我地係謙卑既同時卻又獲得最大的肯定 祂的救恩是真豐富實在可稱頌的