財富的迷思
神學未畢業都已經有教會請，本身都己經係一件神恩。但原來自從開始有一份所謂人工，原來就變成遠離神恩既試探。有人工，就要計開支，有人工，其他奉獻來源就減少，有人工，就慢慢開始依賴自己。當發覺人工唔夠一家五口駛時，就開始想老婆快D出黎做野，想佢揾多D時間揾多D錢，慢慢就開始失去依靠神既心，最大問題係開始對老婆唔太好。今朝係靈修中再一次俾神提醒我，一棍朴醒自己，原來我俾人請咗後，經歷咗兩年無人工後再一次有返人工，我有點兒迷失咗。財富，唔係要多先會迷惑人，原來就算少都一樣可以迷惑人。但係試探中，人確實係可以成長，只要再一次謙卑的來到神面前，開放地傾聽神的話語。 最後，我發現一樣野，其實好多時信徒好怕天堂好悶，係合理同正常，因為我地既形體未改變，我地係無辦法接受永恒既快樂。因為人腦始終有保護機制，對同樣既刺激會有疲勞反應，所以就算再靚既老婆，再勁既車，再好既酒，只要係不間斷咁供應，好快就會有疲勞反應，滿足度會下降。所以聖經成日話要心意更新而變化，唔更新價值觀並按聖經去睇，去同D好野相處，你係好快就會唔滿足。所以，我深信，永恒既快樂，係要形體完全改變先能完全明白，但係地上，只要我地繼續心意更新而變化，我地應該都可以領略其中一部份。
