from Exodus to Emmanuel

唔知幾時開始，由籠門變成後衛，由後衛變成中場，到40歲開始全力打前鋒，呢半年好似開竅咗咁，入球停不了，基本上未試過有一場唔入波，每場入1-3球再加1-3球助攻，由候生仔到老人家都係咁過。足球的進步，除了是因為呢一年減了10磅，體能及速度更強勁外，最重要係我發覺自從我唔帶眼鏡/隱形眼鏡落場後，我少了倚賴眼睛，更多的倚靠其他感官。係咁樣既鍛練下，反而激發了一些潛能，既然仔細睇都係睇唔清楚，就反而只係一望，矇矇的掌握身邊人的企位，矇矇的一望個波就開始準備接球、盤球或射門，因為樣樣都只係望一眼，反而對整個球場既閱讀能力有所提升，對盤/傳/射反而有更多既掌控同選擇。同樣耳仔對於身邊人既腳步聲及叫聲都聽得更清楚，即使背後隊友由自己右後走至左後都能聽得一清二楚給予助攻，果種超感官同一瞬即逝既MOMENT係超級正。 有時，原來失去你擅長既，反而激發咗你一直埋藏咗既真才能！

完成咗第一次的監獄佈道，從女同學口中聽到不少自己眼中「小妹妹」的人生「大故事」。 坦白講，如果係佢地既家庭出世，面對同樣的成長環境，相信自己今天一樣係入面坐緊。 感恩衷心的預備能為他們帶來一點歡樂，也帶來他們的一點反思。其實好可惜無機會同呢班妹妹傾，但短暫既相處，我好肯定的講，其實佢地每個都係好叻，每個都真係至寶！ 如果無神的恩，無人可以有任何自誇！

      在本學期中，我更新了自己對罪、寬恕及恩典的認識。過往的人生中，自己最喜愛都是知識性的諸如聖經書卷、系統神學及教會歷史等，對聖經真理的渴求是何等的大。但透過這科同學們彼此分享生命中的軟弱，老師當中如何引導對罪的思考，再加上「兒子的超自然覺醒」一書中有關兒子的心和奴僕的心的論述，都讓自己有了一個催迫，過往非常著重透過認識聖經認識神，但現在是渴望直接透過禱告更多的認識神，盼望增進的不是對祂的知識，而是與祂的關係。特別是從學院的基督教教育週開始，馬露明小姐分享有關 identity 與 community ，盧偉成校長分享有關他對孩子身份認同的理念，又加上兒子一書有關兒子身份的理念，還有 Parker Palmer 「教學的勇氣」一書中有關 identity 與 integrity 的論述，還有在教學法一課及教會培育事工一課為了男人事工而閱讀的眾多男人書藉，都不斷指向人對身份的認同、信仰 / 生活 / 身份的整合、罪對人性的扭曲等課題，這些都一再挑戰自己要認真面對生命中的問題，認真處理看待與這位至高神的關係。從自我的反思中才驚覺過往對這些認識的太少，也太不重視。作為一個弟兄，我更深理解我們的真誠很容易埋藏在各樣的理性、面具及社會要求之下，更難以在上帝面前做到表裏一致，身份 / 信仰 / 生活無法整合甚至到最後只能選擇讓信仰抽離生活並讓寶貴的兒子身份遂漸瓦解。事實上，這些理解與認識也讓自己對聖經中的男人有更深的體會，包括亞伯蘭的順服、雅各徹夜的與神摔跤、摩西逃離埃及，大衛如何犯奸淫，和以利亞羅騰樹下的尋死都有更深的體會，對他們信仰上的掙扎、與神角力和得勝都有更深入的感受，是我以往不能完全領受的境界。

相信永遠都好難忘記，為咗監佈，我地可以去到幾盡！我地用了超過30個小時排練，傾談劇本及練舞，在繁忙的功課中各位同學中仍然不辭勞苦的去預備，事就這樣成了，22/5將會在監獄公演，盼望被神使用，能夠叫眾囚友，有一刻能刺痛他們，讓他們能有一刻的反省。

神有時真係好奇妙，至從知道太太有咗第三個後，一直盤算剩下的兩年應該點樣行，心入面都有過對金錢缺乏既恐懼，後來就係今朝既早上切切既祈禱，求神讓自己可以睇見佢既能力，也讓別人在此事上同見神的榮耀與能力。 奇妙既事結果今晚就發生，以前一位好有錢既人兄揾我一齊投資，起初我推咗佢，因我知道成功機會不大，直到佢答應三年後一定本金雙倍俾番我，我先答應。但後來中間投資失利，2年後佢就咁俾番本金我，當時心裏都有點不爽，但見佢自己都蝕唔少，最後都就咁接受咗。但佢幾年後既今晚竟然突然WHATSAPP我，問我心入面會否對當年既投資佢就咁俾番本金我會心懷不平，如果係佢會打算補償番俾我。其實咁耐既事自己都忘記咗，但佢一提番，心入面果種不平又走番出黎。 呢件事有不少既學習： 1 神係信實既，佢認真地聽緊我既禱告，佢要實在既話我知佢係個我充滿慈愛既億萬老豆，我實在無野需要擔心 2 好多事忘記咗唔等如無野，心入面果種感覺出番黎係要處理，呢件事我既感愛出番黎，就係我有野未處理好，我要透過祈禱係心前面搞掂佢 3 我唔想佢感覺因為欠我而俾番我，佢係口頭答應，實際張約都有寫明唔一定雙倍俾番。所以最後既處理...... 過程既學習與反省，俾結果更重要啊！

近排隨手一粘的書，但呢本講教學既書好唔同，係同其他大部份講教學既書都唔同，係一本要老師自己成長與突破的書，而唔係講方式方法既書。 Parker Palmer 係有料到，即刻想睇埋隱藏的整全！

Tabula Peutingeriana 一份赫赫有名的羅馬帝國的古地圖，對於它的原本確實日期仍然未有定案，初本甚至講到係Augustus既摯友Agrippa所繪畫。對於要更多認識羅馬帝國的地域這地圖卻是不可多得，超過6米長的卷軸才可以將整個帝國由東到西劃下來。今天竟然發然有網上完整的電子版，有興既自己可以望下。 https://www.tabula-peutingeriana.de/index.html